Menjëherë pas mbylljes së ndeshjes së parë të Kupës së Botës 2026, të përfunduar 2-2 ndaj Zelandës së Re, presidenti i FIFA-s, Gianni Infantino, shkoi në dhomat e zhveshjes së kombëtares së Iranit.
Numri një i futbollit botëror u foli lojtarëve dhe stafit teknik të Iranit me tone inkurajuese, duke përgëzuar paraqitjen e skuadrës dhe mesazhin që, sipas tij, ajo po përcjell në skenën ndërkombëtare.
Të lidhura
None found
“Ndeshja e sotme ishte e vështirë dhe me pak më shumë fat mund ta kishit fituar. Por ju po luani futboll të mirë. Keni edhe dy ndeshje të mbetura dhe do ta bëni botën krenare edhe një herë me atë që do të tregoni në fushë”.
“E di se çfarë po kaloni, e kuptoj, por ju jeni më të fortë se gjithçka. Po dërgoni një sinjal për të gjithë botën. Sonte e bashkuat të gjithë stadiumin rreth jush”.
“Ia treguat këtë botës dhe dërguat një mesazh të fuqishëm. Ju falënderoj shumë”, deklaroi Infantino.
Pas këtij barazimi 2-2 ndaj Zelandës së Re, Irani mori një pikë me peshë në garën e tij në turne.
Ky rezultat i mban iranianët plotësisht në lojë për kualifikimin në fazën eliminatore, ndërsa u kanë mbetur edhe dy ndeshje për të siguruar praninë në raundin e ardhshëm të kompeticionit./
