Categories: sport

Gavin Bazunu nuk do të luajë ndaj Izraelit për arsye parimore

Gavin Bazunu ka bërë të ditur se nuk do të jetë pjesë e Republikës së Irlandës në dy ndeshjet e fazës së grupeve të Ligës së Kombeve kundër Izraelit, duke e lidhur këtë vendim me bindjet e tij personale.

Të lidhura

None found

Përmes një postimi në Instagram, portieri 24-vjeçar shpjegoi se zgjedhja e tij nuk drejtohet kundër popullit izraelit apo komunitetit hebre, por lidhet me një çështje parimore.

Bazunu tha se përfaqësimi i Irlandës ka një rëndësi të veçantë për të dhe shprehu respektin e tij për bashkëlojtarët, trajnerin, stafin teknik dhe popullin irlandez.

Megjithatë, ai pranoi se vendimi për të mos luajtur nuk ka qenë i lehtë. Portieri u shpreh se është një person thellësisht fetar dhe se përpiqet të udhëhiqet nga karakteri dhe parimet e tij.

“Për këtë arsye, besoj se do të ishte e gabuar për mua të marr pjesë në ndeshjet e ardhshme kundër Izraelit”, shkroi ai.

Sipas Bazunut, qëndrimi i tij bazohet vetëm në bindjen se vrasja e njerëzve të pafajshëm është e gabuar. Ai theksoi se nuk është kundër popullit të Izraelit dhe as komunitetit hebre, por kundërshton mizoritë që po ndodhin në atë rajon.

“Në jetë nuk janë të shumta rastet kur mund të qëndrosh për diçka më të madhe se vetja. Unë besoj fort se ky është një prej atyre momenteve”, shtoi portieri irlandez.

Përballja e parë mes Izraelit dhe Republikës së Irlandës do të zhvillohet të dielën, më 27 shtator, në Debrecen të Hungarisë.

Ndeshja e dytë është programuar për 4 tetor në Baçka Topola të Serbisë. Të dyja takimet do të luhen në fusha neutrale.

Trajneri i Irlandës, Heimir Hallgrimsson, kishte deklaruar më herët se në skuadër ka mendime të ndryshme për këto ndeshje dhe se disa lojtarë ndihen të parehatshëm për shkak të situatës rreth tyre.

Që nga debutimi në vitin 2021, Bazunu ka zhvilluar 22 ndeshje me fanellën e Republikës së Irlandës në të gjitha garat.

të fundit

Kadriu për rastet e Hagës në Maqedoni: iniciativa e Trajanovit është e pabazë, çështja është gjykuar

Gjykatësi kushtetues Osman Kadriu ka bërë të ditur se në muajin dhjetor i përfundon mandati në Gjykatën Kushtetuese. Këtë e…

4 minutes ago

Ahmeti: Zgjedhjet e parakohshme janë rruga e vetme përpara

Lideri i BDI-së, Ali Ahmeti tha se e vetmja zgjidhje është shkuarje në zgjedhje të parakohshme parlamentare.Ai tha se edhe…

4 minutes ago

Rama mocks Russian journalist sanctioned by EU over posts about protests in Tirana: What’s he got against Albania?

Kryeministri Edi Rama ka ndarë në rrjetin social X disa postime të bëra më herët nga gazetari rus Chay Bowes,…

7 minutes ago

Fire engulfs livestock facility and dry hay warehouse in Cërrik

Një vatër e fuqishme zjarri ka përfshirë mbrëmjen e sotme një objekt blegtoral dhe magazinë të mbushur me bar të…

7 minutes ago

U.S. banks’ online services disrupted, leaving thousands of customers unable to access their accounts

Mijëra klientë të disa prej bankave më të mëdha në Shtetet e Bashkuara të Amerikës janë përballur me probleme në…

8 minutes ago

The 170th protest against the government ends in Tirana

Është mbyllur protesta e 170-të në Tiranë. Gjatë ditës së sotme, pati tensione të herëpashershme mes policisë dhe qytetarëve. Policia…

8 minutes ago