Franca 0-2 Spanja: Vlerësimet individuale – kush shkëlqeu dhe kush zhgënjeu

Spanja ka arritur të sigurojë një vend në finalen e Kupës së Botës 2026, pasi mposhti Francën me rezultatin 2-0 në një gjysmëfinale të dominuar prej tyre.

Ekipi spanjoll e kontrolloi ndeshjen me pjekuri, duke u treguar më i rrezikshëm dhe më efikas në momentet kyçe, ndërkohë që Franca nuk arriti të gjente mënyrën për të depërtuar në mbrojtjen e “La Roja”.

Golat e takimit u realizuan nga Mikel Oyarzabal dhe Pedro Porro, teksa francezët nuk rrezikuan asnjëherë seriozisht portën spanjolle.

Pikërisht Pedro Porro u vlerësua si lojtari më i mirë i ndeshjes nga platforma Sofascore, duke marrë notën 8.1.

Në radhët e Spanjës, nota të larta morën gjithashtu Rodri me 7.6, Pau Cubarsi me 7.4 dhe Aymeric Laporte me 7.2.

Nga ana tjetër, zhgënjimi i kësaj gjysmëfinaleje ishte mbrojtësi francez Lucas Digne, i cili u vlerësua me notën 5.6 për performancën e tij të dobët.

Spanja tani pret në finale fituesin e sfidës tjetër gjysmëfinale mes Anglisë dhe Argjentinës, që do të luhet nesër (e mërkurë) duke filluar nga ora 21:00.

Gjithashtu janë bërë publike edhe notat e lojtarëve të tjerë të të dyja përfaqësueseve.