Humbja 1-3 përballë Finlandës në takimin përmbyllës të raundit të parë kualifikues të Kampionatit Europian U-17, UEFA EURO 2027, nuk e pengoi Shqipërinë të siguronte kalimin më tej. Përfaqësuesja e drejtuar nga Armand Dama zuri vendin e dytë në Grupin 4 dhe fitoi të drejtën për të luajtur në raundin e dytë kualifikues në League A.
Kuqezinjtë e hapën mirë sfidën, duke zhbllokuar shifrat në minutën e 17-të me Haxhi Rrenën. Pas pushimit, finlandezët ndryshuan rrjedhën e ndeshjes dhe përmbysën avantazhin shqiptar në pak minuta. Launiala shndërroi në gol një penallti në minutën e 61-të, ndërsa tri minuta më pas shënoi sërish, duke kaluar Finlandën përpara. Rezultatin përfundimtar 3-1 e vendosi Aho, me golin e realizuar në minutën e 90+7.
None found
Pas tri takimeve të mini-turneut, kreun e Grupit 4 e mbajti Finlanda me pikë të plota, 9, ndërsa Shqipëria U-17 përfundoi e dyta me 4 pikë. Me 3 pikë, Skocia u pozicionua e treta, kurse Suedia mbeti e fundit me 1 pikë.
Falë renditjes mes dy skuadrave të para, Shqipëria do ta vijojë garën në League A në muajin mars 2027. Raundi i dytë kualifikues do të mbledhë 28 kombëtare: 14 fitueset e grupeve të raundit të parë dhe 14 përfaqësueset që zunë vendet e dyta.
Nga kjo fazë do të dalin shtatë kombëtaret që do të sigurojnë pjesëmarrjen në finalet e Europianit U-17, përkrah Letonisë organizatore. Turneu final është parashikuar të zhvillohet nga 24 maji deri më 6 qershor 2027.
Kështu, edhe pse e mbylli me humbje përballjen e fundit, Kombëtarja U-17 përmbushi synimin për të kaluar në League A. Rrugëtimi i kuqezinjve drejt fazës finale të Europianit do të vazhdojë në mars.
MPB Maqedoni njofton se sot (17 nëntor) e ka ndaluar një 18-vjeçar nga Radiovca, i cili dyshohet për denoncim të…
Mbledhja e Kryesisë së Kuvendit ka dështuar të mbahet të martën për shkak të mungesës së kuorumit. Këtë e bëri…
Në cilësinë e kryetarit të Komisionit Parlamentar për Çështjet e Sigurisë dhe Mbrojtjes, Mefail Bajqinovci, së bashku me anëtarët e…
Qumështorja VITA ka reaguar pas dyshimeve të fundit për tejkalim të nivelit të lejuar të aflatoksinës M1 në një lot…
Kombëtarja e Kosovës do të përballet sonte me Irlandën në Dublin, me fillim nga ora 20:45, në kuadër të xhiros…
Trajneri spanjoll Xabi Alonso po planifikon të përforcojë skuadrën e Chelseat dhe ka identifikuar mbrojtësin italian Alessandro Bastoni si një…