FIFA po mundohet në çdo mënyrë që të amerikanizojë Kupën e Botës, duke i vënë shkelmin traditave të futbollit.Ndalesa në secilën pjesë të lojës për më shumë reklama për shembull, është një prej tyre.
Por tani, ajo ka publikuar një urdhëresë të re që do të ndryshojë plotësisht atë që e gjithë bota ka parë që prej krijimit të aktivitetit.
Të lidhura
None found
Bëhet fjalë për momentin e himneve kombëtare. Të gjithë janë mësuar të shohin skuadrat e rreshtuara me nga 11 lojtarë në secilin krah të gjyqtarëve të cilët shpeshherë këndojnë me zë të lartë himnin e tyre.
FIFA, ka vendosur të ndryshojë edhe këtë moment ikonik.
Lojtarët tani nuk do jenë më të rreshtuar ashtu, por do të formojnë një rreth në mesin e fushës dhe aty do të përfshihen edhe ata të stolit e jo vetëm 11 titullarët!
“Gjatë himneve kombëtare, të 26 futbollistët e secilës skuadër do të mblidhen rreth flamurit në qendër të fushës në mënyrë që secili prej tyre të përjetojë këtë moment simbolik të mbushur me krenari dhe emocion”, shpjegoi FIFA, e cila saktësoi se ai moment do të shoqërohej gjatë aktivitetit edhe me spektakël me drita apo edhe fishekzjarrë. /Panorama Sport/
