Stadiumi “Rexhep Rexhepi” në Drenas do të jetë arena e përballjes mes Feronikelit ’74 dhe Vushtrrisë, e cila nis në orën 16:00 dhe zhvillohet në kuadër të javës së shtatë të elitës së futbollit kosovar.
Të lidhura
None found
Të dyja skuadrat, të promovuara këtë sezon në Superligën e Kosovës, nuk kanë kaluar një periudhë të mirë gjatë gjashtë xhirove të para.
Feronikeli ’74 ka regjistruar vetëm një fitore, ndërsa të gjitha ndeshjet e tjera i ka humbur. Në anën tjetër, Vushtrria është mposhtur në secilën prej takimeve të deritanishme.
Dy ekipet do të kërkojnë që sot t’u japin fund rezultateve zhgënjyese dhe të nisin një etapë të re.
Formacionet zyrtare:
Feronikeli ’74: Kolaj, Selmani, Rexhaj, Halili, Rudari, Shabani, Taipi, Luetic, Prapashtica, Cervadiku, Dobratiqi.
Vushtrria: Isufi, Spahiu, Ibrisagic, Ajdini, Islami, Maxhuni, Paloka, Hasani, Behrami, Statovci, Sane.
