Konfederata Braziliane e Futbollit i ka dërguar FIFA-s një shkresë zyrtare, ku kundërshton anulimin e diskutueshëm të golit të Vinicius Junior në sfidën ndaj Skocisë dhe kërkon që në Kupën e Botës të garantohen drejtësia dhe integriteti sportiv.
Në reagimin e saj, federata braziliane ngriti shqetësime për mënyrën se si është përdorur VAR-i gjatë turneut, duke vlerësuar se vendimi për ta anuluar golin nuk përputhet me qasjen e ndjekur deri tani në këtë kompeticion.
None found
“Një aspekt që tërhoqi vëmendjen tonë ishte qasja e VAR-it. Gjatë gjithë Kupës së Botës, duket se ka pasur një theks të qartë në respektimin e interpretimit të gjyqtarit në fushë dhe kufizimin e ndërhyrjeve vetëm në situatat që përfshijnë gabime të qarta dhe të dukshme. Ne besojmë se kjo filozofi i sjell dobi futbollit, ruan autoritetin e gjyqtarit dhe kontribuon në rrjedhshmërinë e lojës”.
CBF nënvizoi se vendimi për ta bërë të pavlefshëm golin shkaktoi habi jo vetëm te brazilianët, por edhe te vetë lojtarët e Skocisë që ndodheshin në fushë.
“Goli i anuluar i Brazilit kundër Skocisë nuk duket se është në përputhje me filozofinë e adoptuar në këtë kompeticion. Vlen të theksohet se vendimi dukej i papritur jo vetëm për Brazilin, por edhe për lojtarët e Skocisë, reagimet e menjëhershme të të cilëve sugjeronin se ata nuk prisnin një rishikim apo anulimin e golit”.
Polemikat nisën në ndeshjen e fundit të Grupit C, kur realizimi i sulmuesit të Real Madridit u anulua pas ndërhyrjes së VAR-it, për shkak të një faulli të pretenduar në aksionin që i parapriu golit.
Megjithatë, pavarësisht debatit për arbitrimin, Brazili triumfoi 3-0 ndaj Skocisë dhe kaloi në fazën eliminatore të Kupës së Botës si vendi i parë i grupit.
Federata braziliane shprehu kundërshtim edhe për caktimin e gjyqtarit Cesar Ramos në këtë takim, duke kujtuar se arbitri meksikan kishte qenë pjesë e një episodi polemik edhe në vitin 2018, kur kishte njohur një gol të Zvicrës kundër Brazilit, megjithëse ishte pretenduar për një faull në atë aksion.
Sipas CBF-së, kjo histori vendimesh të kontestuara nga ai arbitër cenon drejtpërdrejt drejtësinë dhe integritetin sportiv që FIFA synon të sigurojë gjatë turneut.
Grupi Volkswagen planifikon të heqë nga oferta deri në 75 modele gjatë dhjetë viteve të ardhshme, në kuadër të një…
BMW po ndryshon strategjinë për modelet e saj luksoze dhe pritet ta rikthejë motorin V8 në tregun evropian. Bëhet fjalë…
Një plagosje me armë zjarri është regjistruar mbrëmjen e kësaj të enjteje në zonën e Shkozës, në Tiranë. Sipas informacioneve…
Ambasada e Shteteve të Bashkuara të Amerikës në Tiranë ka reaguar sërish pas përshkallëzimit të protestave dhe përplasjeve të regjistruara…
Zëvendësministri i Infrastrukturës dhe Transportit, Zef Morina, ka bërë të ditur se gjatë një vizite në terren është përcjellë nga…
Daut Haradinaj ishte vetë në protestën para Kuvendit. Tetë ditë më vonë, në një studio televizive, tha se protestuesit kishin…