Federata Shqiptare e Futbollit po vazhdon investimet për përmirësimin e infrastrukturës sportive në të gjithë vendin, si pjesë e përgatitjeve për organizimin në Shqipëri të ndeshjeve finale të Kampionatit Europian U-21, që do të zhvillohet vitin e ardhshëm.
Në këtë kuadër, një nga ndërhyrjet më të rëndësishme po kryhet në “Shtëpinë e Futbollit”, ku dy fushat me bar natyral po kalojnë një rehabilitim të plotë.
Të lidhura
None found
Pasi është hequr tapeti ekzistues, gjatë ditëve në vijim do të nisë procesi i mbjelljes së barit të ri.
Sipas planifikimit të FSHF-së, ky investim ka për qëllim të rrisë cilësinë e terreneve stërvitore dhe të garantojë kushte sa më të mira për ekipet kombëtare, si edhe për aktivitetet futbollistike në vend.
Punimet po zhvillohen në përputhje me afatet e parashikuara, ndërsa fushat pritet të jenë të gatshme për përdorim në mesin e muajit shtator.
