Erald Maksuti gjen golin e parë në Rusi, ish-sulmuesi i Flamurtarit realizon perlë në miqësore

1. Erald Maksuti ishte ndër emrat më të spikatur në testin miqësor ku Akhmat Grozny triumfoi me rezultatin e thellë 6-0 ndaj Kosmos Khimki.

Ish-sulmuesi i Flamurtarit zhbllokoi takimin për skuadrën e tij, teksa në minutën e 20-të realizoi një gol shumë të bukur nga hyrja e zonës, duke kaluar në avantazh ekipin e Akhmat Grozny.

Për sulmuesin e Shqipërisë U21, ky ishte realizimi i parë me fanellën e Akhmat Grozny. Kujtojmë se Maksuti u transferua nga Flamurtari te klubi rus për shumën e 700 mijë eurove.