Federata Egjiptiane e Futbollit ka depozituar zyrtarisht në FIFA një ankesë lidhur me gjykimin e sfidës së 1/8-ave të Kupës së Botës, takim që Argjentina e fitoi me përmbysje 3-2.
Sipas raportimeve të mediave ndërkombëtare të njohura, si RMC Sport dhe TyC Sports, pala egjiptiane është e bindur se është dëmtuar seriozisht dhe po kërkon nisjen e menjëhershme të një hetimi, bashkë me ndëshkime të ashpra për trupën e arbitrimit.
None found
Në qendër të kritikave të tyre ndodhet arbitri francez François Letexier, për të cilin Egjipti, së bashku me ndihmësit e tij, po kërkon pezullim deri në përfundim të turneut.
Në dokumentin e ankesës, egjiptianët përmendin dy vendime kyçe, që sipas tyre ndikuan drejtpërdrejt në rezultatin final dhe çuan në eliminimin e tyre nga kompeticioni.
I pari lidhet me golin e shënuar nga Mostafa Ziko në minutën e 58-të për rezultatin 2-0 ndaj Argjentinës. Ky realizim u anulua pasi gjyqtari vlerësoi se Marëan Attia kishte bërë faull në nisje të aksionit, ndërsa Egjipti këmbëngul se vendimi ishte krejtësisht i pabazuar.
Rasti i dytë ka të bëjë me penalltinë e padhënë ndaj Mohamed Salahut në aksionin që parapriu golin e tretë vendimtar të Argjentinës, të realizuar nga Enzo Fernandez. Sipas pretendimeve të egjiptianëve, Salahu u pengua me faull, por VAR-i nuk ndërhyri dhe madje nuk e shqyrtoi fare episodin.
Kjo përballje nxiti menjëherë debat të madh në opinionin futbollistik. Në një kohë kur Argjentina feston kualifikimin pas një ndeshjeje dramatike, FIFA tashmë përballet me presionin zyrtar që vjen nga Kajro, por edhe me reagime nga pjesë të tjera të botës së futbollit.
Tani mbetet të shihet nëse Letexier dhe asistentët e tij do të përballen me pasoja, apo nëse FIFA do të vendosë sërish të mbrojë arbitrat e saj.
Teuta vajzaDitën e sotme, është mbyllur java e 8-të në Abissnet Superiore për vajza me ndeshjet Teuta – Apolonia dhe…
Supersfida mes Atalantas dhe Interit ka përfunduar në “paqe”, me dy skuadrat italiane që kanë arkëtuar nga një pikë.Përballja ishte…
Paris Saint-Germaini ka nisur kërkimet për një përforcim në repartin ofensiv për afatin kalimtar të janarit, pasi drejtori sportiv Luis…
Kryeministri Edi Rama gjatë vizitës së tij në Manastir, në Europe House, pati edhe një takim me të rinjtë nga…
Një 31-vjeçare me origjinë shqiptare ka humbur jetën në një aksident të rëndë automobilistik në Itali, ndërsa tre fëmijë që…
Durim Halilaj, anëtar i Kryesisë së Aleancës, ka reaguar lidhur me rritjen e borxhit të familjeve në Kosovë përmes mbitërheqjeve…