Edin Dzeko e mbylli karrierën me kombëtaren e Bosnjës dhe Hercegovinës në barazimin 1-1 ndaj Suedisë, në Ligën e Kombeve. Ndeshja u zhvillua në Bilina polje të Zenicës.
Sulmuesi legjendar ishte titullar në paraqitjen e tij të fundit. Në minutën e 63-të, kur u thirr të zëvendësohej, në fushë u krijua një moment plot emocione.
Të lidhura
None found
Shokët e skuadrës i formuan një “korridor nderi”, ndërsa edhe futbollistët suedezë u afruan për ta përshëndetur. Kapiteni kaloi mes tyre nën duartrokitje, teksa publiku në tribunat e Bilino Polje u ngrit në këmbë.
Para se të ulej për herë të fundit në stol si lojtar i kombëtares, Dzeko përshëndeti tifozët dhe bashkëlojtarët.
E vlerësuar si karriera më e madhe ndërkombëtare në historinë e Bosnjës dhe Hercegovinës, rrugëtimi i tij nisi me debutimin në vitin 2007. Ndeshja kundër Suedisë ishte paraqitja e 152-të e Dzekos, i cili largohet si rekordmen i vendit si për ndeshjet e luajtura, ashtu edhe për golat e shënuar, me 73. Ai cilësohet lojtari më i mirë në historinë e Bosnjës dhe Hercegovinës.
