Manchester United dhe Arsenali raportohet se kanë shfaqur interes për Paulo Dybalan.
Sipas asaj që ka raportuar “FCInterNews”, zyrtarët e të dy klubeve kanë kontaktuar tashmë me agjentin e lojtarit.
Drejtuesit e klubeve të Premier League kanë pyetur agjentin lidhur me interesin e mundshëm për t’u transferuar në Angli.
Dybala nga 30 qershori është zyrtarisht lojtar i lirë, pasi u largua nga Juventusi.
Ai është i lidhur me një transferim te Interi, por ende nuk ka ndonjë marrëveshje të arritur.
Për 28-vjeçarin interesim besohet se kanë shprehur edhe Paris Saint-Germain e Tottenham Hotspur.
