Ditën e djeshme, Barcelona zyrtarizoi transferimin e futbollistit hollandez, Memphis Depay, i cili firmosi kontratë 2 vjeçare me katalanasit.
Së fundmi, Depay në kanalin zyrtar të Barcelonës, foli për herë të parë si lojtar i blaugranëve, ku u shpreh: “Përshëndetje të gjithëve. Unë jam Memphis. Më në fund është zyrtare. Kam nënshkruar për Barçën dhe jam shumë i lumtur. Firma me klubin më të madh në botë dhe me tifozët më të mirë është një ëndërr e bërë realitet.
Mezi pres të luaj para tifozëve në një stadium plotë. Blaugranët janë të veçantë në mënyrën se si jetojnë dhe e ndiejnë futbollin. Dua të falënderoj presidentin, drejtuesit dhe trajnerin që më donin në Barcelonë. Tani do të jap gjithçka për këtë klub ”.
