De Gea: Duket sikur na kanë ‘mallkuar’

Portieri David De Gea ka thënë se nuk e kupton pse kjo skuadër Manchester United ‘nuk funksionon’.

‘Djajtë e Kuq’ kanë duruar një rrugëtim indiferent deri tani. Ata kalojnë në 1/16 e Ligës së Kampionëve ku do të përballen me Atletico Madridin.

Megjithatë, United u eliminua në raundin e tretë të Carabao Cup dhe raundin e katërt të FA Cup dhe aktualisht është i gjashti në Premier League, 21 pikë prapa liderit të ligës, Manchester City.

Kjo është përkundër një afati kalimtar veror shumë pozitiv, i cili pa ardhjet e Jadon Sancho, Raphael Varane dhe legjenda e klubit, Cristiano Ronaldo.

Një nga lojtarët më të mirë të skuadrës këtë sezon, De Gea, ka thënë në një intervistë për gazetën spanjolle ‘El Pais’ se ai mendon se klubi mund të jetë i ‘mallkuar’.

“Unë mendoj se dikush na ka mallkuar apo diçka tjetër,” tha De Gea. “E vërteta është se nuk e di se çfarë po ndodh, vërtet nuk e di.

“Njerëzit gjithmonë më pyesin dhe ne flasim për këtë si bashkëlojtarë dhe ne thjesht themi ‘nuk e dimë se çfarë po ndodh’.

“Duhet të kishim garuar për më shumë trofe, tituj më të mëdhenj, por thjesht nuk e di pse ky ekip nuk funksionon”.

Për më tepër, De Gea beson se Ronaldo udhëheq me shembull dhe i ka kërkuar skuadrës që të mblidhet pas superyllit portugez.

“Ai punon shumë dhe është shumë kërkues ndaj vetes. Unë mendoj se ai është pak më i qetë se më parë, por ai është një ‘makinë’. Kjo është mirë që të gjithë djemtë ta shohin, sepse tregon se si duhet të kujdesesh për veten për të pasur shumë vite në nivelin më të lartë.”/ h.ll/albeu.com