Categories: maqedoni

LSDM: Mickoski po ndërton një tjetër subjekt satelit pas shpërbërjes së ZNAM-it

LSDM pretendon se kryeministri Hristijan Mickoski ka hyrë në fazën e krijimit të një subjekti të ri politik satelit, duke argumentuar se ZNAM, sipas saj, tashmë është shpërbërë dhe nuk vepron më si një strukturë funksionale politike.

Në reagimin e saj, partia opozitare shprehet se në ZNAM kanë mbetur vetëm Goran Minçev dhe Maksim Dimitrievski, të cilët, sipas saj, aktualisht janë në garë për pozita. LSDM shton se, pasi të mbyllet edhe kjo përplasje, dhe duke pasur parasysh mundësinë që ata të mos mbeten më as në Qeveri, Mickoski do të mbetet pa mekanizmin që, sipas saj, e përdorte për të dobësuar bllokun opozitar. Për këtë arsye, thuhet më tej, ai tashmë ka nisur të ndërtojë një “shoqatë” të re politike.

Të lidhura

None found

Sipas LSDM-së, kjo lëvizje është vazhdim i së njëjtës qasje që OBRM-PDUKM e ka përdorur edhe më parë, përmes formimit të subjekteve politike artificiale me synimin për të dobësuar opozitën dhe për të siguruar vota shtesë në zgjedhjet e ardhshme.

Partia opozitare vlerëson gjithashtu se ulja e mbështetjes për OBRM-PDUKM dhe për kryeministrin Mickoski po e shtyn këtë të fundit të mendojë për zgjedhje të parakohshme parlamentare.

“Rënia e madhe e OBRM-PDUKM-së me 150 mijë vota, rejtingu i rrënuar i Mickoskit për shkak të premtimeve të parealizuara dhe kolapsit ekonomik, si dhe fakti që qytetarët e kuptuan se janë mashtruar në zgjedhjet e kaluara, e detyrojnë atë të mendojë për zgjedhje të parakohshme. Mickoski e di se LSDM është forcuar dhe, si pjesë e Frontit të gjerë qytetar për të Vërtetën dhe Drejtësinë, paraqet kërcënim serioz për pushtetin e tij”, theksojnë nga partia.

Sipas LSDM-së, kryeministrit i duhet një satelit i ri politik për të rikrijuar skenarin e zgjedhjeve të kaluara. Në reagimin e saj, partia e cilëson këtë si një shembull tipik të inxhinieringut politik në formën më të keqe. Ajo shton se, në vend që të përqendrohet te problemet reale të qytetarëve, Mickoski vazhdon të ngrejë struktura paralele, që sipas saj kanë për mision të vetëm ruajtjen e pushtetit përmes manipulimit dhe copëzimit të votës. LSDM thekson se ai nuk po krijon një forcë të re politike, por një mekanizëm të ri për kontrollin e procesit zgjedhor dhe fragmentimin e votës opozitare, njësoj siç, sipas saj, ka vepruar edhe me ZNAM-in. “E njëjta gënjeshtër nuk do të kalojë dy herë”, thuhet në reagimin e LSDM-së.

të fundit

Begaj’s message to young Albanians: Homeland and Albanian identity do not exist without the Albanian language

Të rinj nga të gjitha trevat shqiptare janë bërë bashkë në Parlamentin e Shqipërisë, në kuadër të forumit “Foli Shqip”,…

2 minutes ago

Berisha on US warning: No concrete threat against Kosovo

Ambasada e Shteteve të Bashkuara të Amerikës në Kosovë ka publikuar një paralajmërim për sigurinë, duke u bërë thirrje qytetarëve…

2 minutes ago

Jakup Krasniqi’s visit under criticism for security measures: called an unnecessary spectacle

Nën masa të shtuara sigurie është përcjellë vizita katërditore e Jakup Krasniqit te familja e tij në lagjen Velania të…

3 minutes ago

Coordinating body of Alliance branches in diaspora established

Avni Arifi, së bashku me nënkryetarët e Aleancës, Time Kadrijaj dhe Smajl Latifi, kanë marrë pjesë në takimin e degëve…

4 minutes ago

Trump’s unusual statement: ‘I am genetically blessed’ and the reaction of Vance and Rubio under camera surveillance

Presidenti amerikan Donald Trump ka tërhequr vëmendjen gjatë një konference për shtyp në Shtëpinë e Bardhë, pasi deklaroi se është…

4 minutes ago

Strike in Belgium/ most flights at Brussels Airport cancelled on Monday, public transport also affected

Shumica e fluturimeve të planifikuara në Aeroportin e Brukselit pritet të anulohen ditën e hënë, për shkak të një greve…

4 minutes ago