Mbrojtësi i Spanjës, Pau Cubarsi, ka ndarë mendimin e tij për një duel të mundshëm me Lionel Messin e Argjentinës në finalen e Kupës së Botës, duke theksuar se ylli i Barcelonës vijon të mbetet frymëzimi i tij më i madh.
Spanja dhe Argjentina janë futur mes favoritëve kryesorë për ta fituar Kupën e Botës, ndërsa e kanë nisur mirë edhe rrugëtimin e tyre në turne.
Të lidhura
None found
Edhe Cubarsi, një nga emrat e Barcelonës, është ndalur te një finale e mundshme mes La Roja-s dhe Albiceleste-s, duke e cilësuar atë si një ëndërr që bëhet realitet.
“Do të ishte një ëndërr e bërë realitet, veçanërisht sepse do të thoshte se jam në finalen e Kupës së Botës”, ka thënë fillimisht qendërmbrojtësi i Barçës.
“Do të ishte një shans për ta fituar. Nëse do të ishte kundër Messit, do të ishte vërtet një ëndërr që e kam pasur që kur isha fëmijë”.
“E gjithë familja jonë e ka mbështetur gjithmonë Barçën, dhe që kur isha fëmijë, ai ka qenë gjithmonë idhulli dhe modeli ynë, dhe mezi pres ta takoj”, përfundoi Cubarsi.
