Cristiano Ronaldo po rimendon të ardhmen e tij, gjithçka do të varet nga kjo lëvizje e Man.United

Cristiano Ronaldo është ende në formë dhe është futbollisti që mban gjallë United me golat e tij. 14 golat e tij, golashënuesi më i mirë i ekipit , janë një shembull i mirë për këtë.

Pavarësisht disa kritikave për angazhimin e tij në mbrojtje dhe përshtatjen në skemën e Rangnick, rëndësia e tij për gjermanin është parësore. Megjithatë, duket se qëndrimi i portugezit në Mancheter është në zonën e kuqe, vetëm disa muaj pas rikthimit të tij.

Nuk është hera e parë që ka spekulime për largimin e tij nga United këtë verë dhe tani,  Daily Star raporton se e ardhmja e tij varet nga trajneri i ardhshëm që do të marrë pankinën e “Djajve të Kuq”.

Burime të konsultuara nga gazeta britanike pohojnë se portugezi priste një situatë më të mirë, pasi është fitues dhe dëshiron të luftojë për të fituar tituj. Nëse ai nuk bindet nga trajneri që do të pasojë Raangnick, i cili kujtojmë se erdhi si i përkohshëm dhe në qershor do të ndryshojë rolin e tij në atë të një konsulenti, ai mund të largohet nga Old Trafford. r.t/albeu.com


Shtuar 7.01.2022 08:25