Chelsea mposhti City-n dhe kaloi në finalen e Fa Cup, Tuchel: Fituam me meritë

Menaxheri i Chelseat, Thomas Tuchel është shprehur i kënaqur me fitoren ndaj Manchester Cityt në kuadër të gjysmëfinales së FA Cup.

Chelsea arriti në finale duke mposhtur Cityn me rezultatin 1-0 me golin e Hakim Ziyech.

Por, pas ndeshjes, Tuchel ishte tejet i kënaqur me fitoren të cilën e cilësoi si të merituar.

“Nëse luani kundër Guardiolës duhet ta dini që keni të bëni punë me nivelin më të lartë të skuadrës në Evropë, këtë e ka demonstruar edhe tek Bayerni dhe Barcelona por edhe tani tek City”, tha Tuchel.

“Qëllimi ynë ishte ta mbyllnim hapësirën me ta në 90 minuta, jam tejet i kënaqur me paraqitjen tonë sepse kemi luajtur me guxim”, shtoi ai.

“Kemi merituar fitoren, ndaj trajnerit më të mirë dhe skuadrës me nivelin më të lartë”, përfundoi Thomas Tuchel./

Shtuar 17.04.2021 10:04