Manchester Unitedi u eliminua nga Carabao Cup pas humbjes 3-2 kundër Brightonit në “Old Trafford”.
Të lidhura
None found
Rezultati i dha fund një ecurie historike të “Djajve të Kuq”, e cila kishte nisur në vitin 1976. Deri në këtë përballje, skuadra nuk kishte humbur asnjëherë në shtëpi pasi kishte krijuar epërsi prej dy golash.
Rasti i fundit kur Unitedi ishte mposhtur në një ndeshje të tillë në “Old Trafford” datonte në shtator të vitit 1976, kur Tottenhami kishte fituar me rezultat 3-2.
Pas largimit të Sir Alex Fergusonit në vitin 2013, Manchester Unitedi kishte luajtur 145 takime në të cilat kishte kaluar dy gola përpara. Prej tyre, 143 ishin mbyllur me fitore dhe vetëm dy me barazim.
Kësaj serie i dha fund Brightoni, i cili përmbysi rezultatin dhe e nxori Unitedin nga Carabao Cup për të dytin sezon radhazi, që në ndeshjen e parë të skuadrës në këtë kompeticion.
Kjo humbje pasoi disfatën ndaj rivalit të përbetuar Manchester City, në përballjen e kontestuar të luajtur në shtëpi fundjavën e kaluar, duke e rritur më tej presionin mbi klubin.
