Florian Loshaj është zyrtarisht lojtari më i ri i Bodrumspor. Mesfushori 29-vjeçar i ka dhënë fund qëndrimit te Igdir FK dhe do të vijojë karrierën te një tjetër skuadër e Ligës së Parë turke.
Palët kanë rënë dakord për një kontratë dyvjeçare, e cila do të jetë në fuqi deri në verën e vitit 2028. Loshaj e ka nisur rrugëtimin futbollistik te Genk në Belgjikë, ndërsa më pas ka veshur fanellat e MVV Maastricht, Roda JC, Poli Iasi, Cracovi dhe Istanbulpor.
Të lidhura
None found
Mesfushori shqiptar numëron gjithashtu 24 paraqitje me përfaqësuesen e Kosovës, duke sjellë një përvojë të konsiderueshme në ekipin e ri. Te Bodrumspor, Loshaj do të gjejë edhe dy futbollistët e Kombëtares shqiptare, Arlind Ajetin dhe Taulant Seferin.
