Mbrojtësi 25-vjeçar i Interit, Yann Bisseck, ka tërhequr vëmendjen e Bayern Munichut, që e ka përfshirë gjermanin mes emrave të ndjekur për përforcimin e ekipit.
Sipas gazetarit të njohur Ekrem Konur, mes palëve kanë pasur tashmë biseda joformale. Interi, nga ana tjetër, ka përcaktuar se për largimin e 25-vjeçarit do të kërkonte një shumë nga 70 deri në 80 milionë euro.
Të lidhura
None found
Vlera e kërkuar nga klubi zikaltër shihet si e lartë nga Bayerni, i cili aktualisht nuk duket i vendosur të investojë një shifër të tillë për Bisseck.
Megjithatë, kampioni gjerman nuk është i vetmi klub që po vëzhgon situatën e mbrojtësit. Edhe disa skuadra të Ligës Premier kanë shprehur interesim, duke e shtuar konkurrencën për shërbimet e tij.
Bisseck është i lidhur me Interin përmes një kontrate afatgjatë dhe konsiderohet një prej investimeve të rëndësishme të Nerazzurrëve për të ardhmen.
