Mbrëmë lojtarët e Barcelonës kanë mbërritur në Arabinë Saudite, ku në ditët në vijim do të luajnë turneun e Superkupës së Spanjës kundër ekipeve si Osasuna, Real Madrid dhe Atletico Madrid.
Kampioni aktual i Spanjës i është drejtuar tifozëve që do të vijnë në ndeshjet e Superkupës në Riad në faqen zyrtare të klubit.
“Ne ju rekomandojmë që të silleni në publik me respekt dhe vendosmëri, dhe të përmbaheni nga shprehjet e dashurisë dhe butësisë, e cila përfshin çdo veprim të një natyre seksuale. Kjo mund të përfundojë të gjitha në ndëshkim”, thuhet fillimisht në njoftim.
“Marrëdhëniet mes personave të të njëjtës gjini dhe shprehjet e mbështetjes për komunitetin LGBT, qoftë edhe vetëm në rrjetet sociale, i nënshtrohen ndëshkimeve”.
Barça gjithashtu lëshoi rekomandime në lidhje me ushqimin dhe pijet.
“Ne ju paralajmërojmë se është e ndaluar të konsumoni alkool dhe mish derri në Arabinë Saudite. Droga natyrisht është e dënueshme në Spanjë, por në Arabinë Saudite ata mbajnë një dënim të gjatë me burg”, shtoi klubi katalunas, duke shtuar se në Arabinë Saudite, qytetarët të vendeve perëndimore janë objektiva të mundshëm të sulmeve terroriste. /Telegrafi/
