“Avullojnë” biletat për Shqipëri-Izrael, ja sa janë shitur deri tani për sfidën në “Air Albania”

Ndërkohë që dje u luajt ndeshja e parë e Kombëtares shqiptare për Ligën e Kombeve në Islandë, biletat për ndeshjen e dytë ndaj Izraelit vazhdojnë të shiten me një ritëm të shpejtë.

Shqipëria do të presë në “Air Albania” kombëtaren izraelite më datë 10 qershor dhe deri më tani, burime për Panorama Sport bëjnë me dije se janë shitur rreth 10 mijë bileta, teksa jemi katër ditë larg nga nisja e ndeshjes.

Për sa u përket çmimeve, bileta më e lirë mund të gjendet me çmimin 750 lekë të rinj që janë sektorët mbrapa portave, ndërsa pjesa përballë tribunës ka bileta që kushtojnë 2 mijë dhe 3 mijë lekë të rinj, ndërsa te pjesa e tribunës kryesore çmimi është 10 mijë lek të rinj.

Shtuar 7.06.2022 09:55