Pierre-Emerick Aubameyang është rikthyer në orbitën e FC Barcelona . Duke pasur parasysh refuzimin e Juventusit për të lënë Alvaro Morata -n të largohet, kërkesën e Xavi Hernandez për pozicionin e qendërsulmuesit, sulmuesi gabonez është një mundësi e hapur edhe një javë para mbylljes së merkatos pasi vetë futbollisti iu ofrua Barçës dhe të tjerëve, siç ka raportuar MD.
Sulmuesi i Arsenalit përballet me Mikel Artetën , i cili madje ia hoqi shiritin e kapitenit në dhjetor dhe dëshiron të largohet nga klubi londinez. “Topçinjtë” gjithashtu shpresojnë të gjejnë një zgjidhje për këtë çështje me një marrëveshje që u lejon atyre të kursejnë pagën e tyre për pjesën e mbetur të sezonit. Përveç Barçës , në listën e të interesuarve janë edhe Sevilla , Paris Saint-Germain , Juventus , Milan dhe Olympique Marseille , sipas gazetës britanike Daily Telegraph.
32-vjeçari Aubameyang ka luajtur 14 ndeshje në edicionin aktual të Premier League me një bilanc prej katër golash. Partneri i Ousmane Dembele te Borussia Dortmund në sezonin 2016-17, në janar 2018 u largua nga Bundesliga për t’u bashkuar me Emirates Stadium në një transfertë të vlerësuar në 63.8 milionë euro. Kontrata e tij përfundon në vitin 2023.
