Atletico Madridi dhe Juventusi po e ndjekin me vëmendje situatën e sulmuesit të Arsenalit, Noni Madueke, i cili po përballet me një nisje të komplikuar të sezonit, raporton “The Telegraph”.
Të lidhura
None found
Futbollisti 24-vjeçar është aktivizuar kryesisht nga stoli në Ligën Premier dhe deri tani nuk ka qenë titullar në asnjë takim kampional të këtij sezoni.
Për shkak të hapësirës së kufizuar në formacion dhe mungesës së minutave të rregullta, disa klube po shqyrtojnë mundësinë që ta transferojnë Madueken në huazim gjatë afatit kalimtar të janarit.
Reprezentuesi anglez ka qenë prej kohësh në vëzhgimin e Atletico Madridit dhe Juventusit, ndërsa në javët e ardhshme interesimi mund të zgjerohet edhe te skuadra të tjera.
Madueke kaloi te Arsenali nga Chelsea verën e kaluar, në një marrëveshje me vlerë rreth 50 milionë euro. Në sezonin e kaluar, ai e nisi nga minuta e parë në 16 ndeshje të Ligës Premier.
Ai ishte gjithashtu pjesë e Përfaqësueses së Anglisë në Kupën e Botës 2026.
