Arsenali po përgatitet të shtojë përpjekjet për afrimin e një qendërmbrojtësi dhe një sulmuesi përpara përfundimit të merkatos së verës, ndërsa Ezri Konsa është kthyer në objektiv edhe të Liverpoolit.
Të lidhura
None found
“Topçinjtë” kanë arkëtuar 7 milionë funte nga shitja e Christian Norgaardit te Evertoni dhe ndodhen pranë mbylljes së marrëveshjes për mesfushorin Bruno Guimaraes të Newcastle United.
Një tjetër çështje që po merr vëmendje të veçantë në klub është forcimi i repartit të mbrojtjes. William Saliba pritet të qëndrojë jashtë fushave për një kohë të gjatë për shkak të një dëmtimi në shpinë.
The Guardian raporton se Arsenali po e ndjek me kujdes situatën e mbrojtësit të Aston Villës, Ezri Konsa. Megjithatë, klubi londinez duhet të përballet me rivalitetin e Liverpoolit, i cili e konsideron gjithashtu reprezentuesin anglez një prej objektivave të tij.
Edhe skuadra e Liverpoolit ka shqetësime në qendër të mbrojtjes. Virgil van Dijk nuk është rikthyer ende te ekipi pas angazhimit në Kupën e Botës, Jeremy Jacquet vijon të jetë i dëmtuar, Giovanni Leoni po rikuperohet nga këputja e ligamentit të kryqëzuar, ndërsa Joe Gomez u dëmtua që në miqësoren e parë të verës kundër Sunderlandit.
Aston Villa besohet se e vlerëson Konsan në rreth 60 milionë funte. Arsenali, megjithatë, nuk dëshiron të shpenzojë këtë shumë, veçanërisht pasi mbrojtësit i kanë mbetur më pak se dy vjet nga kontrata aktuale.
