Augsburgu është pranë finalizimit të huazimit të Arijon Ibrahimovicit nga Bayern Munich, pasi klubi bavarez ka pranuar largimin e talentit të tij.
Të lidhura
None found
Sipas raportimit ekskluziv të Fabrizio Romano, marrëveshja mes dy klubeve parashikon huazimin e lojtarit dhe përfshin një opsion blerjeje në vlerën e 8 milionë eurove.
Në rast se Augsburgu e përdor këtë opsion pas përfundimit të huazimit, Ibrahimovic do të transferohej përfundimisht te klubi i Bundesligës.
Akordi është mbyllur gjatë mëngjesit të sotëm. 20-vjeçari ka qenë objektivi kryesor i Augsburgut në këtë afat kalimtar, me drejtuesit që e konsiderojnë atë një shtesë të rëndësishme për repartin sulmues.
Klubi gjerman ka vepruar me shpejtësi për të siguruar shërbimet e Ibrahimovicit, i cili prej vitesh vlerësohet si një ndër talentet më interesantë të futbollit gjerman dhe është pjesë e strukturave të Bayern Munichut.
Transferimi duket pranë zyrtarizimit, pasi vizitat mjekësore të lojtarit janë planifikuar për më vonë gjatë ditës së sotme. Nëse procedurat zhvillohen sipas planit, ai pritet të nënshkruajë dokumentacionin dhe të kompletojë kalimin te Augsburgu.
Huazimi te Augsburgu pritet t’i japë Ibrahimovicit më shumë hapësira në lojë dhe një rol më të madh në futbollin e nivelit të lartë, duke i mundësuar zhvillimin e mëtejshëm në Bundesligë.
Nga ana tjetër, Bayerni i ofron lojtarit mundësinë për të grumbulluar eksperiencë të vlefshme jashtë klubit. Ndërkohë, klauzola prej 8 milionë eurosh i lejon Augsburgut ta mbajë përfundimisht futbollistin, nëse ai bind me paraqitjet e tij gjatë sezonit.
Zyrtarizimi i marrëveshjes pritet pas përfundimit të testeve mjekësore dhe hapave të fundit administrativë.
