Argjentina mposht me vështirësi Australinë, “Albiceleste” në çerekfinale me Holandën (VIDEO)

Argjentina ka arritur të fitojë sot në mbrëmje ndaj Australisë.

Ndeshja ka qenë tepër intensive dhe nuk ishte një Argjentinë perfekte ndaj Australisë, ku të kaltërit e Scalonit kanë fituar me vështirësi.

Goli i parë erdhi në minutën e 35-të, ku Messi përballë tre kundërshtarëve dërgon topin mjeshtërisht në rrjetë.

Pjesa e parë është mbyllur me këtë rezultat, por ishte i dukshëm presioni i lartë i ushtruar nga australianët.

Pjesa e dytë nisi përsëri në favor të Argjentinës, ku në minutën e 57-të, De Paul dhe Alvarez ushtrojnë presion në zonën e kundërshtarit duke bërë që portieri të humbas topin dhe Alvarez e dërgon në rrjetë.

Befasia vjen në minutën e 77-të, ku Australia e palodhur gjen golin e ngushtimit të rezultatit, ku goditja e kryer devijohet nga Ferndandez dhe shkon në rrjetë.

Argjentina tentoi edhe disa herë të shënonte golin e sigurisë, por nuk ia doli.

Me këtë fitore, Argjentina dhe Messi kalojnë në fazën çerekfinale, ku do të gjejnë përballë Holandën./ h.ll/albeu.com

2-1

2-0

35′ 1 – 0 Lionel Messi Assist: N. Otamendi


Shtuar 3.12.2022 21:56