Ikona e Manchester United Sir Alex Ferguson tashmë e ka bërë të qartë se ai është një tifoz i madh i Antonio Conte, i cili është ndër pretendentët për të zëvendësuar Ole Gunnar Solskjaer nëse norvegjezi shkarkohet nga hierarkia e klubit.
Pozicioni i tij duket i sigurtë tani për tani, por me frustrimet që vazhdojnë të rriten mes tifozëve, presioni po fillon të rritet mbi 48-vjeçarin përpara një serie vendimtare ndeshjesh që do të shohin United përballë Atalanta (dy herë), Liverpool, Tottenham dhe Manchester City brenda pak javësh.
Bordi i United është ende plotësisht në cepin e Solskjaer dhe do t’i japë atij kohë për të përballuar stuhinë, por dështimi për të mposhtur Southampton, Young Boys, Ëest Ham në Carabao Cup, Aston Villa, Everton dhe Leicester ka pikturuar një model shumë të njohur.
Antonio Conte, megjithatë, besohet se është i gatshëm të ulet në stolin e “Djajve të Kuq” nëse do t’i jepet mundësia.
Legjenda e United, Sir Alex Ferguson ka të ngjarë të ketë një kontribut në çdo emërim të ardhshëm dhe skocezi tashmë e ka bërë të qartë se ai është një tifoz i madh i Contes, pas punës së tij me Chelsea që e pa atë të fitonte Premier League dhe FA Cup në dy sezone./ albeu.com
