sport

Ancelotti: City të bën të vuash kur ka topin në zotërim, kualifikimi vendoset në Bernabeu

Real Madrid ka udhëtuar në “Etihad” për t’u përballur me Manchester Cityt, takim i vlefshëm për gjysmëfinalen e Champions League.

Në konferencën për shtyp, trajneri i madrileneve, Carlo Anceloti theksoi se kjo është një ndeshje shumë e vështirë pasi përballë do të kenë një nga skuadrat më të mira.

Të lidhura

None found

“Nëse nuk kemi kontakt me topin sigurisht do vuajmë. Nesër aspekti mbrojtës zë një pjesë të rëndësishme të lojës. Ka raste kur City do e ketë topin. Është shumë e thjeshtë, nëse e kanë ata, duhet të mbrohesh dhe të përpiqesh ta rikuperosh topin, qoftë me presing lart, të mesëm apo të ulët. Shpresojmë të dalim mirë”.

Historia që ka Real Madrid në këtë kompeticion do të thotë shumë për ne, më shumë se për rivalët tanë. Kjo histori, që është rritur gjatë gjithë këtyre viteve, i ndihmon lojtarët të ndjejnë peshën e fanellës. Është pozitive, jo negative.

Presioni është i ngjashëm, ka shumë presion. Për Realin zakonisht nuk është një sukses që të arrijë në gjysmëfinale. Duam të arrijmë në finale, që është një sukses. Ky është objektivi. Nëse arrin, pastaj Real Madrid ka më shumë shanse për të fituar”.

“Thuhej se Reali nuk është për Europën? Më kujtohet çfarë thuhej. Kështu mendonin mediat dhe opinioni publik. Janë dy skuadra në gjysmëfinale, që askush nuk mendonte se do vinin këtu. Jemi ne dhe Villarerali. Arritëm këtu dhe jemi shumë të lumtur. Reali gjithmonë do të jetë konkurrues”.

“Nuk vendoset nesër ekipi që kualifikohet. Gjithçka do të mbyllet në ndeshjen e dytë, në Bernabeu. Dilema që kam është nëse do të luaj me dy apo me tre sulmues. Rodrygo po bën mirë, Camavinga po ashtu. Të dy kanë sjellë shumë energji në skuadër, ndaj kam dilemat e mia.

Atmosfera është e mirë, është lloji i ndeshjes që lojtarët duan ta përgatitin dhe ta luajnë. Mendy është, por kemi dyshime për Alaba e Casemiro. Besojmë se austriaku do të jetë, kurse braziliani e ka më të vështirë. Nëse nuk kthehet, do jetë për ndeshjen tjetër”.

“Duhet të luajmë mirë për kualifikimin. Meqë tani nuk është më rregulli i golit të fushës, çështja e kualifikimit është më e hapur. Duhet të kemi parasysh që janë 180 minuta. Ka një ndjenjë lumturie normalisht, pasi jemi shumë pranë finales së kompeticionit më të rëndësishëm në botë, dhe një ndjenjë shqetësimi sepse kemi një ekip shumë të fortë përballë. Gjatë Champions kemi pasur shumë rivalë të vështirë. Në fillim ata ishin favoritë për të fituar kompeticionin. Na shkoi mirë dhe nesër do të luftojmë, pa asnjë dyshim”, ka përfunduar Carlo. /h.ll/albeu.com

të fundit

Shehaj shkon me urgjencë në spital dhe denoncon presionin e policisë së Komisariatit nr.1 ndaj 23-vjeçarit që rrëfeu dhunën

Kryetari i Partisë Mundësia Agron Shehaj ka denoncuar një tjetër detaj të rëndë që ka ndodhur me djalin e ri…

4 minutes ago

Conte zbulon kushtet për një rikthim të mundshëm te Juventusi

Antonio Conte ka lënë të kuptohet se një rikthim te Juventusi mund të ndodhë në të ardhmen. Trajneri italian, i…

10 minutes ago

Projektbuxheti 2027 kap vlerën e 10 miliardë eurove, Koçiu: Synojmë Shqipërinë europiane me më shumë siguri për familjet

Zëvendëskryeministrja Albana Koçiu ka prezantuar përmes një videomesazhi në Kuvend projektbuxhetin e vitit 2027, i cili kap vlerën e 10…

12 minutes ago

Hoxha njofton ngritjen e qendrave rajonale për mbeturina

Miinistri i Mjedisit Jetësor dhe Planifikimit Hapësinor, Muhamed Hoxha, deklaroi se vendosja e sistemit rajonal për grumbuillim të mbeturinave mbetet…

13 minutes ago

Muhaxheri dëshmon në Komisionin Hetimor: Arlinda Zekaj kërkoi strehim vetëm për fëmijën, jo për veten

Kryetari i Komunës së Pejës, Gazmend Muhaxheri, ka thënë se e ndjera Arlinda Zekaj nuk kishte kërkuar asnjëherë strehim për…

16 minutes ago

Rama: Bulgarians must be part of North Macedonia’s Constitution, there is no longer any reason for dispute

Kryeministri i Shqipërisë, Edi Rama, deklaroi se bullgarët duhet të përfshihen në Kushtetutën e Maqedonisë së Veriut.Ai tha se për…

20 minutes ago