Categories: kosovë

Muhaxheri dëshmon në Komisionin Hetimor: Arlinda Zekaj kërkoi strehim vetëm për fëmijën, jo për veten

Gjatë dëshmisë së tij para Komisionit Hetimor Parlamentar, kryetari i Komunës së Pejës, Gazmend Muhaxheri, deklaroi se e ndjera Arlinda Zekaj nuk kishte kërkuar asnjëherë strehim për veten, por vetëm për fëmijën e saj.

Ai u pyet për veprimet e institucioneve komunale dhe përgjegjësinë në trajtimin e rasteve të dhunës në familje. Deputetja e PDK-së Besa Kabashi-Ramaj e pyeti nëse pas vrasjes kishte kërkuar vlerësim të shërbimeve komunale dhe çfarë mekanizmash do të përdorte për të adresuar mangësitë. Muhaxheri u ndal te rekomandimet e Ministrisë, për të cilat tha se komuna kishte nisur zbatimin dhe se ishin drejt përfundimit.

Të lidhura

None found

Ai theksoi se raporti i Ministrisë ishte mirëpritur dhe se rekomandimet i drejtoheshin kryetarit, jo QPS-së; shtoi se kishte filluar zbatimin e tyre dhe ishte pranë përfundimit.

Deputeti Burim Ramadani e pyeti nëse kishte pasur ndërhyrje politike, institucionale apo individuale. Ai kërkoi të dinte nëse Muhaxheri kishte ndonjë dyshim ose vlerësim për ndërhyrje nga jashtë, qofshin ato politike, institucionale, individuale apo biznesore, dhe se cilët ishin “të fortit e Dukagjinit”. Muhaxheri u përgjigj se nuk kishte dëgjuar për raste të tilla dhe se nuk kishte ndier asnjëherë trysni. Sipas tij, edhe në një rast më të rëndë nuk kishte pasur ndërhyrje, pasi rasti ishte menaxhuar dhe nuk ishte lejuar që të ndodhte diçka.

Deputetja e Lëvizjes Vetëvendosje, Adelina Tërshani, e pyeti se cilat rekomandime të Ministrisë po zbatonte. Muhaxheri sqaroi se bëhej fjalë për tri rekomandime: një për zyrtaren Toska Gega, që të dilte në komision, një për Durimin Kelemendi dhe një për drejtoreshën e Qendrës për Punë Sociale në Pejë, e cila duhej të largohej në një vend tjetër. Sipas tij, ata kishin shkuar në Komision disiplinor dhe çështja ishte në fazën e ankesave.

I pyetur nga deputeti Eman Rrahmani për dy rastet e tjera që përmendi, Muhaxheri tha se në njërin rast viktimës i ishte siguruar strehim dhe mbrojtje. Ai shtoi se viktimës i ishte ndaluar afrimi i autorit, komuna po ia paguante qiranë e banimit dhe nuk e kishte lejuar të kthehej në shtëpinë e nënës, sepse atje ishte sulmuar më parë. Sipas tij, njëri rast kishte ndodhur pak para vrasjes së Arlindës dhe rasti i dytë pas saj.

Muhaxheri theksoi edhe një herë se Arlinda Zekaj nuk kishte kërkuar strehim për vete, por vetëm për fëmijën e saj.

Deputeti i LVV-së Armend Baloku e pyeti nëse e njihte familjen Sylaj dhe Jeton Sylajn. Muhaxheri u përgjigj se nuk i njihte.

Baloku pyeti gjithashtu nëse në komunë kishte pasur raste kur persona me ndikim shoqëror ose politik kishin kërcënuar zyrtarët komunalë, dhe kërkoi detaje për një incident mes Muhaxherit dhe një qytetari. Muhaxheri mohoi se kishte pasur raste të tilla ose ndonjë ndërhyrje.

Në fund, Baloku e pyeti nëse njihej me ish-kryeprokurorin e Pejës, tashmë të shkarkuar. Muhaxheri konfirmoi se e njihte, por tha se kishte pasur përvoja të këqija dhe se ishin ndarë në marrëdhënie jo të mira. Ai iu përgjigj me thumb Lëvizjes Vetëvendosje se, po të thirrej nga prokuroria, ai do të shkonte, ndryshe nga të tjerët.

Kryetari i Komunës së Pejës i ka cilësuar si politike kërkesat për dorëheqjen e tij pas vrasjes së Arlinda Zekajt. Pas intervistimit në komision, ai tha se me këto kërkesa do të ballafaqohej nëse ato vijnë nga kandidatët për kryetar komune.

Ai shtoi se nuk ishte prononcuar për rastin e vrasjes së Arlinda Zekajt para se të flisnin organet kompetente, sepse e konsideronte ngjarjen tepër tragjike për t’u politizuar.

të fundit

Rama: Bulgarians must be part of North Macedonia’s Constitution, there is no longer any reason for dispute

Kryeministri i Shqipërisë, Edi Rama, deklaroi se bullgarët duhet të përfshihen në Kushtetutën e Maqedonisë së Veriut.Ai tha se për…

4 minutes ago

Expert Popovska on the “Lottery” case: I did not observe any procedural violations

Në gjykimin për “Lotarinë Shtetërore” ekspertja e prokurorisë Anita Popovska u morr në pyetje nga mbrojtja e Përparim Bajramit, Artan…

4 minutes ago

Haxhiu meets Croatian MEP Stier in Brussels, seeks support for Kosovo’s European path

Kryetarja e Kuvendit të Kosovës, Albulena Haxhiu, ka bërë të ditur se në Bruksel ka zhvilluar një takim me eurodeputetin…

5 minutes ago

Haradinaj expresses gratitude to Tamara Ziv for her role in deepening ties between Kosovo and Israel

Kryetari i AAK-së, Ramush Haradinaj, ka marrë pjesë në pritjen lamtumirëse të organizuar në nderim të ambasadores së Izraelit në…

5 minutes ago

Hakeem Jeffries marks a historic turn, poised to become the first Black speaker of the US House of Representatives

Demokratët në Dhomën e Përfaqësuesve në Shtetet e Bashkuara kanë nominuar zyrtarisht Hakeem Jeffries për kryetar të këtij institucioni, duke…

5 minutes ago

US director of national intelligence: threats from Iran against Americans have risen significantly

Kërcënimet që vijnë nga Irani ndaj qytetarëve amerikanë, si brenda ashtu edhe jashtë Shteteve të Bashkuara, janë rritur ndjeshëm sipas…

6 minutes ago