Shqipëria mori tri pikë në transfertën ndaj San Marinos, duke fituar 0-3 në ndeshjen e Ligës së Kombeve për Ligën C. Në këtë sukses pati rol edhe portieri Alen Sherri, i cili priti disa goditje në kuadrat dhe i mohoi vendasve golin. Pas takimit, ai foli për FSHF TV.
Të lidhura
None found
Sherri tha se skuadra e priste një përballje me ritëm disi të ngadaltë, për shkak të veçorive të kundërshtarit. Sipas tij, Shqipëria u paraqit mirë gjatë gjithë ndeshjes dhe e zbatoi planin, duke e zhbllokuar shpejt rezultatin. Ai pranoi se pati një moment kur ekipi lëshoi terren, por theksoi se, në tërësi, paraqitja ishte e mirë dhe rezultati i pastër ishte ajo që kishte rëndësi.
Duke folur për Finlandën, portieri e cilësoi takimin një përballje të drejtpërdrejtë për kreun, pasi Shqipëria dhe Finlanda konsiderohen favoritet e grupit. Ai pret një ndeshje të fortë e të luftuar dhe theksoi se nuk ka kundërshtarë të lehtë. Sipas Sherrit, fitorja e Shqipërisë ndaj Bjellorusisë dhe barazimi i kësaj të fundit me Finlandën nuk tregojnë asgjë për ndeshjen e ardhshme. Portieri tha se skuadra duhet ta përgatisë shumë mirë takimin dhe shpreson të kthehet me një rezultat pozitiv.
