Situata politike në Shqipëri, dhe përplasjet brenda Partisë Demokratike, kjo ishte tema që u diskutua në “Breaking News” të moderuar nga Dafina Hysa.
Ish-anëtari i Kryesisë së PD, Arben Skënderi, theksoi se sot politika shqiptare nuk ka më politikanë, por kryetarë.
Ai theksoi se pas ndryshimeve Kushtetuese të bëra në vitin 2008-të, kryetarët e partive kanë rreguluar me ligj pozicionet e tyre, dhe të gjithë ata që kanë poshtë u binden si skllevër.
“Ju e shikoni fare mirë se ç’bëhet, deputetët i trajtjnë si delet. Këta i kanë zgjidhur me ligjin e 2008-s, prandaj njerëzit e kanë humbur besimin”, u shpreh Skënderi.
Më tej Skënderi tha se sot është për të ardhur keq kur sheh se kush është ulur në Kuvendin e Shqipërisë.
Sipas tij asnjë deputet nuk ka një ide të vetën, por dalin dhe përsërisin ato që honë kryetarët nëpër studio, apo mbledhje partish.
“Më thoni profesionin e deputetëve që dolën dhe folën, çfarë fushë ekspertize kanë, ata vetëm dalin e lehin aty ato që thonë kryetarët respektivë dhe artikulojnë të njëjtat teza”, tha Skënderi.
Ndërkohë sa i përket situatës brenda PD, gazetari Taulant Halili, në një lidhje me “SKYPE”, theksoi se asgjë nuk ka ndryshuar, përveç rolit të Gazment Bardhit.
Siaps tij Bardhi ka kaluar pranë Berishës për interesa personale, dhe jo për “bashkimin” e PD.
