Shembet rruga në Sarandë, bllokohen makinat në lagje

Rreth orës 23.30 të së hënës një segment rruge rreth 50 m në lagjen “Qazim Demi” nr. 1 në Sarandë ka pësuar dëmtime, duke bllokuar mjetet e kësaj lagjeje.

Vendi në cilën është shembur rruga është mbi një pallat në ndërtim dhe raportohet se thellësia shkon deri në rreth 3 m. Nga ana tjetër bëhet me dije se deri në fund të javës do të bëhet rregullimi i këtij segmenti rrugor.