Bledis Bardhi, autori 29 vjecar i “Top Model Week” që aktualisht transmetohet në televizionin Klan, vazhdon me projektet ne fushën e biznesit dhe showbizit.
Gjatë karrierës së tij, Bledis ka sjellë disa artistë me famë botërore në Shqipëri. Ai ka bashkëpunuar me të mëdhenj të muzikës si Don Omar, Mohombi, Massari, Nana, Akcent, Dr Alban. Bledis njihet edhe si menaxher i Grupit Legjendar Elita 5 që në moshën 17 vjeç.
Por pas projekteve televizive dhe bizneseve të suksesshme në fushën e real estate, Bledis ka vendosur të bëj realitet ëndrra e tij për të ndërtuar një anije të modelit Disco Club.
Anija e konceptuar si një disko club me një kapacitet prej 2000 vetash, do të argëtojë të rinjtë teksa udhëton buzë bregedtit të jugut.
Pas suksesit të “Top Model Week” që sezonin tjetër pritet të transmetohet edhe në Kosovë, duket se Bledisi është fokusuar tanimë ne fushën e biznesit me projekte ambicioze që synojnë të ndryshojnë edhe mënyrën se si argëtohen shqiptarët. /albeu.com/
