Avokati i njohur, Spartak Ngjela është shpesh në qendër të mediave për shkak të komenteve të tij.
Një koment i tij për moderatoren Bora Zemanin, ku ai shprehu simpatinë, pak kohë më parë bëri xhiron e rrjetit.
Mirëpo, duket se Ngjela “e ka harruar” Borën dhe i ka drejtuar sytë drejt një tjetër vajze të bukur. Bëhet fjalë për shkrimtaren Arsinoi Zengo Kallço, të cilën avokati e ka konsideruar një grua të bukur me fantazi.
Postimi i plotë:
Befas më ra për ta lexuar një shkrim me vlerë artistike i shkrimtares Arsinoi Zengo Kallço
Janë disa e disa ata që ma kërkuan që ta postoj në vendin e statusit tim.
Shkrimi i zonjës Zengo gjendet i plotë në faqen e saj, kurse kritika ime është si më poshtë:
Çdo shkrim që të krijon kënaqësi artistike si estetikë e të bukurës, të shtyn për të shkruar rreth tij, me kënaqësinë e krijimit tënd si kritikë. Dhe, prandaj po shkruaj se:
Më pëlqeu shumë shkrimi me patos artistik i shkrimtares se re Arsinoi Zengo.
Shiu është natyrë e thellë femërore në letërsi. Dhe autorja, këtu, e ka këtë intuitë që i zhvillon brenda vetes nevojën për meditim dhe fantazi.
Kjo shkrimtare është një grua e bukur me fantazi, dhe fantazia e hedh në krahët e letërsisë. Se ka shkruar një skicë letrare të bukur me historinë e familjes së saj, dhe ka kaluar: nga shiu te piktura dhe nga piktura te ndjenjat e historisë familjare. Pse?
Sepse e kërkon lansimin e portretit të saj si histori të spikatur të familjes së vet, për të ardhur te kërkesa e saj krijuese për t’u njohur në shoqërinë korçare, por dhe më tej.
Dhe është e bukur.
Dhe ka një emër mitologjik shumë të bukur.
Dhe ka talent për të shkruar.
Dhe autorja është nga Dardha, dhe i ka dhënë edhe fshatit Dardhë vendin e tij brenda vetes, se e di që Dardha është një fshat historik i bukurisë shqiptare dhe historisë së Shqipërisë.
Dhe kjo e zmadhoin së brendshmi autoren.
Dhe ajo vijon me shiun në shkrim, se i duhet magjia e meditimit femëror, dhe mediton poetikisht; dhe përmend edhe poetin e madh të Shqipërisë Drotero Agollin, për dardharen e bukur, kur ky ka thënë “Sorkadhja Dardhare”.
Dhe këtu kuptohet që Arsinoi poete këtë e ka për veten.
Kështu vijon, dhe ajo përkëdhel veten me poezinë e Driteto Agollot.
Dhe shkrimi vijon për historinë e saj të formimit… dhe shiu i jep motivin e brendshëm për të thënë: unë krijoj se jam e bukur si bukuria e Dardhës, dhe kam dashuri të madhe brenda vetes sime.
Por kjo kuptohet edhe nga shkrimi i saj që është i një natyre të veçantë, që kalon, nga e përgjithshmja si letërsi, tek e veçanta si dashuri e saj, që ajo e rrëfen me bukurinë letrare të një letërsie të veçantë.
Bukuria femërore dhe talenti, të bashkuara te një grua, krijojnë gjithmonë një letërsi meditative të veçantë.
Kjo është poetika e këtij shkrimi të bukur…
Spartak Ngjela
Kjo është shkrimtarja
Arsinoi Zengo Kallço
