Një nga bashkë-prezantueset e emisionit “Goca & Gra” në Top Channel është edhe Tea Trifoni, ish-konkurrentja e shumëpërfolur e “Për’Puthen 2”.
Kur ajo lajmëroi në Instagramin e saj, se do të bëhej pjesë e kësaj eksperience të re televizive, nuk munguan urimet nga miq, ndjekës dhe të afërm, mes tyre dhe Arjan Konomi. Për ta uruar, opinionisti i “Për’Puthen”, i komentoi në Instagram, por fjalët e tij u konsideruan si “thumb” për Fatma Haxhialiun, nga shumë ndjekës.
“Tea suksese në ‘aventurën’ e re televizive! Je shumë mirë, por të takonte të kishe një emision krejt tëndin. Kam merak se aty nuk do të shfaqësh tërë aftësinë tënde në ekran. Ruaju mos të të mbysë paaftësia e të tjerëve! Suksese!” – shkroi ai.
Megjithatë, sot, pikërisht në emisionin “Goca dhe Gra”, vetë Fatma ka treguar të vërtetën e kësaj historie, duke zbuluar se mes saj dhe Arjanit nuk ka asnjë hatërmbetje.
“Unë me Arjanin di që u përshëndetëm në studiot e TCH”, tha moderatorja, që më pas ka dhënë një mesazh për ndjekësit.
“Sado të frustruar, të bullizuar që të jeni duhet të plotësoni veten tuaj që të mos cënoheni nga të tjerët. Nëse jeni të plotësuar, askush nuk ju cënon”, tha ajo, duke vendosur “pikat mbi i”.
Në puntatën e fundit, fokusi i diskutimeve ka qenë gjuha e urrejtjes, ku katër vajzat, Tea, Fatma, Olesia dhe Krista, treguan secila eksperiencat e tyre personale.
