Jasmin flet pas ndarjes me Andin: Jemi ndarë si fëmijë 5 vjeç (FOTO LAJM)

Edhe pas përfundimit të “Për’puthen”, marrëdhënia mes Jasmin Kadriut dhe Andi Artanit vazhdon të komentohet. Sëfundmi në një intervistë për “NIN”, i riu nga Kosova tha se me ish-konkurrenten nuk ndodhi ndarje pasi nuk ishte një lidhje e mirëfilltë. Megjithatë, e ftuar sot në emisionin “Shqipëria Live” në Top Channel, Jasmina ka dhënë versionin e saj të historisë. Bukuroshja brune zbuloi se një pyetje e saj u mor në mënyrë të ashpër nga Andi, i cili zgjodhi të ndërpriste marrëdhënien duke e bërë “block”. Ajo gjithashtu theksoi se lidhja e tyre ishte toksike.

“Andi nuk më mungon fare. Ka qenë marrëdhënie toksike nga të dy. Gabimi im është që i kam mëshuar shumë një situatë të caktuar. Kisha të drejtë për çdo argument qoftë i ekzagjeruar apo jo. Unë e marr vëmendjen duke u ‘grricur’ me njerëzit. Thjesht ashtu e kam tipin. Unë nuk bëhem xheloze, bëhem posesive. Unë para se të jem me dikë, flirtoj, dua vëmendjen dhe kur fillova të frekuentohesha me Andin, e ndërpreva për të mos u keqkuptuar. Nuk jam mësuar që të ndahem me shpata, inate dhe mëri. Është i vetmi njeri që e kam bërë. Jemi ndarë si fëmijë 5 vjeç që po më pyete prap për këtë gjë, do të të bëj bllok. Nëse të pyes për diçka specifike, kthe përgjigje dhe kaq”, është shprehur Jasmina.