I publikuan videon intime, Kim Kardashian flet pas shumë kohësh

Në vitin 2002, Kim Kardashian realizoi një video intime me ish të dashurin e saj, Ray J. Mirëpo, 5 vite më vonë, pra në 2007 kjo video u bë virale dhe pati një numër të lartë shikueshmërie edhe pse u publikua pa dëshirën e të dyve.

Nga kjo ngjarje Kim mori një famë tepër të madhe ndonëse videoja u publikua në të njëjtën kohë që ajo dhe familja e saj ishin gati të publikonin seritë e para të “Keeping Up With The Kardashians”.

Së fundmi, në një intervistë të dhënë për “Los Angeles Times”, ajo ka treguar se fakti që ka folur në publik rreth kësaj videoje e ka ndihmuar ta kapërcejë këtë moment të sikletshëm në jetën e saj.

“Mendoj se padyshim producentët donin shumë që unë të flisja. Dhe unë nuk do të kisha folur nëse nuk do të ishte spektakli.

Ndonjëherë mendoja ‘OK, e di që tani duhet të merem me këtë çështje. Dikush do më pyesi, kështu që duhet të ec përpara dhe të flas’.

Në një farë mënyrë, spektakli na ka ndihmuar që të përballojmë shumë gjëra, në vend që t’i fshihnim nën tapet.

Në fund të ditës, unë kam qenë gjithmonë e hapur dhe e sinqertë dhe doja të ndaja çdo gjë që po kaloja. Nuk do të përmbahesha”, është shprehur Kardashian.

 

 

Shtuar 6.06.2021 05:06