Bebe Rexha padyshim që ka fansa të flakë dhe këtë e vërtetoi njëri nga ata përmes një surprizë që i bëri artistes shqiptare.
Ai ka treguar me anë të rrjeteve sociale se ka realizuar një tatuazh, të cilin ia kushton asaj. Fansi i Bebes bëri tatuazh një prej imazheve më të komentuara të saj, duke e gdhendur atë në trup. Këngëtarja e postoi në Instagram foton dhe më e lumtur s’mund të ishte.
Kujtojmë se Bebe ka dhënë së fundmi një intervistë për “Bustle”, ku ka treguar se çfarë synon në të ardhmen. Kur është pyetur se ku e sheh veten pas 16 vitesh, ajo i ka habitur të gjithë me përgjigjen. Bebe nuk e ka përmendur fare muzikën, por është shprehur se dëshiron shumë që së të marrë një master për Psikologji për të ndihmuar të gjithë njerëzit veçanërisht artistët.
“16 vite nga tani? Wow. Epo, unë dua të marr masterin në psikologji. Do të doja të ndihmoja artistë të tjerë në industrinë e muzikës dhe njerëzit në përgjithësi si terapiste. Sepse kam kaluar shumë duke qenë në sy të publikut dhe duke qenë në industri. Do të doja të ndihmoja artistët, aktorët dhe aktoret, ose njerëzit e rinj që mund të kenë nevojë për të. T’ju tregoj atyre çfarë kam mësuar”, është shprehur Bebe.
