Brad Pitt beson se vuan nga “verbëria e fytyrës”. Aktori 58 vjeçar pranoi në një intervistë për GQ se mendon se ka prosopagnosi, një çrregullim i rrallë që i bën njerëzit të mos njohin fytyrat. Megjithatë, Pitt nuk është diagnostikuar kurrë zyrtarisht me këtë problematikë.
Çrregullimi është zakonisht i pranishëm në lindje dhe do të prekë të sëmurët për pjesën më të madhe të jetës së tyre. Aktori tha se e ka të vështirë të njohë njerëzit dhe shqetësohet se çrregullimi i tij ka bërë që njerëzit ta shohin atë si “të zhytur në vetvete”.
“Askush nuk më beson. Unë dua të takoj një tjetër,” tha ai. Kjo nuk është hera e parë që Pitt këmbëngul se ka prosopagnosti. “Shumë njerëz më urrejnë sepse mendojnë se nuk i respektoj ata,” tha ai për revistën Esquire në vitin 2013.
“Pastaj thonë ‘ju jeni egoist. Jeni mendjemadh’ Por është një mister për mua. Nuk arrij ta dalloj një fytyrë”, shtoi më tej aktori.
