Një situatë e pazakontë u regjistrua gjatë një seance gjyqësore në Milano, ku 26-vjeçarja Emanuela Maria Lamedica, e njohur si Lamedica në skenën muzikore, i kërkoi gjyqtares të lirohej nga qelia për të përmbushur një detyrim profesional: promovimin e këngës së saj të re në rrjetet sociale.
None found
Artistja ndodhej në paraburgim pas kallëzimit të bërë nga gjyshja e saj, e cila e akuzon për keqtrajtim dhe fyerje verbale. Gjatë seancës për vlerësimin e masës së sigurisë, Lamedica iu drejtua gjyqtares Chiara Valori dhe kërkoi të kthehej në shtëpi, pasi kënga e re do të publikohej në Spotify dhe duhej të reklamohej në Instagram.
“Duhet të publikoj në Instagram për të promovuar këngën time”, ishte argumenti i paraqitur nga 26-vjeçarja.
Kërkesa e saj solli reagime dhe buzëqeshje në sallën e gjyqit. Megjithatë, gjyqtarja e mori vendimin duke u mbështetur te rrethanat ligjore të çështjes dhe jo te angazhimet artistike të të arrestuarës.
Sipas mbrojtjes, rasti lidhet me sjellje abuzive dhe ofendime verbale ndaj të moshuarës, ndërsa avokatja e Lamedicës ka nënvizuar se nuk kemi të bëjmë me një sulm fizik.
Gjatë seancës, këngëtarja foli edhe për kushtet në qelinë e burgut San Vittore, ku kishte kaluar natën.
Ajo këmbënguli gjithsesi se duhej të merrej me detyrimet profesionale. Kënga e re, “Maniere forti”, është pjesë e projektit të saj muzikor pas këngës “Barbie nel ghetto”.
Në përfundim, gjyqtarja Chiara Valori vendosi lirimin e 26-vjeçares nga burgu, por caktoi ndaj saj masa kufizuese.
Lamedica do të mbahet nën monitorim përmes një byzylyku elektronik dhe nuk do të ketë të drejtë të kontaktojë gjyshen e saj, e cila në këtë çështje konsiderohet palë e dëmtuar.
Pas vendimit, artistja mundi të kthehej në shtëpi dhe të vijonte aktivitetin në rrjetet sociale, ashtu siç kishte deklaruar në sallën e gjyqit.
Më vonë, ajo publikoi në Instagram materiale për promovimin e këngës së re. Në postimet e saj, Lamedica e cilësoi atë si një prej hiteve të vitit 2026 dhe u kërkoi ndjekësve ta dëgjonin e ta shpërndanin.
“Ndajeni me të gjithë, veçanërisht me armiqtë e mi”, shkroi ajo në një prej postimeve.
Malisheva ka shënuar fitore të merituar ndaj Feronikelit me rezultat 0-3, në stadiumin “Rexhep Rexhepi”, në kuadër të xhiros së…
Pjesëmarrja e komunave në protestën e paralajmëruar është vullnetare dhe asnjë komunë nuk mund të detyrohet të marrë pjesë, kështu…
Ambasadori në largim i Francës në Kosovë, Olivier Guerot, ka folur për përvojën e tij gjatë katër viteve të qëndrimit…
Ish-presidentja e vendit, Vjosa Osmani, ka reaguar lidhur me përpjekjet e Serbisë për të lartësuar Ratko Mlladiqin, i cili ishte…
Nga Ministria e Punëve të Brendshme njoftojnë se gjatë 24 orëve të fundit, në të gjithë vendin, janë privuar nga…
Të paktën 37 persona kanë humbur jetën pas një sulmi me dron rus ndaj një magazine pranë periferive perëndimore të…