Ministria e Punëve të Brendshme ka bërë të ditur se, nga nisja e funksionimit të sistemit “Qyteti i Sigurt” deri më 20.08.2026, janë evidentuar gjithsej 310.865 shkelje në komunikacion.
Të lidhura
None found
Shumica e rasteve lidhen me tejkalimin e shpejtësisë së lejuar. Për këtë shkelje janë regjistruar 301.835 raste gjatë periudhës nga 02.02.2026 deri më 20.08.2026.
Të dhënat tregojnë gjithashtu se 180.378 shkelje janë kryer nga automjete me targa të huaja që nga aktivizimi i sistemit. Vetëm nga 19.08.2026 deri më 20.08.2026, automjetet me targa të huaja kanë shkaktuar 5.514 shkelje.
MPB-ja u ka bërë thirrje të gjithë pjesëmarrësve në komunikacion që të respektojnë rregullat dhe dispozitat në fuqi, me qëllim që së bashku të kontribuojnë në krijimin e rrugëve më të sigurta.
