Zëvendëskryeministri i parë dhe Ministri për Çështje Evropiane, Bekim Sali, zhvilloi një takim me Stefano Elleron nga Delegacioni i Bashkimit Evropian, ku u diskutua për zbatimin e Agjendës së Reformave, përdorimin efikas të fondeve IPA dhe planifikimin e prioriteteve në kuadër të Kornizës së ardhshme Financiare Shumëvjeçare të BE-së për periudhën 2028–2034.
Të lidhura
None found
Me këtë rast, Sali i uroi Elleronit mirëseardhjen në Maqedoninë e Veriut dhe suksese në mandatin e tij.
Ai vuri në dukje përkushtimin për përmbushjen në afat të reformave dhe për kanalizimin e mbështetjes evropiane në investime dhe rezultate konkrete për qytetarët.
“Koordinimi i mirë dhe institucionet e përgatitura janë thelbësore për t’i kthyer mundësitë në përfitime të prekshme”, u shpreh Sali.
Ministri vlerësoi mbështetjen e Delegacionit të BE-së dhe rëndësinë e dialogut të hapur me partnerët evropianë.
