Qendra për Menaxhimin e Krizave (QMK) bëri të ditur se deri në orën 18:00 të 14 shtatorit 2026, në vend janë evidentuar gjithsej 14 zjarre në zona të hapura.
Të lidhura
None found
Sipas QMK-së, një prej vatrave mbetet aktive, një tjetër është futur nën kontroll, ndërsa 12 zjarre janë shuar.
Vatra aktive ndodhet në territorin e Komunës së Krushevës, pranë fshatit Borino, ku flakët kanë përfshirë bimësi të ulët.
Ndërkohë, zjarri në Komunën e Makedonski Brodit, në lokacionet Dabova Dupka – Jasen, pranë fshatit Belica, dhe Kajorec, është vënë nën kontroll. Në këtë zonë po digjej pyll pishe me rritje të ulët dhe pyll i përzier.
Gjatë ditës janë shuar edhe zjarret në Kumanovë, Veles, Strugë, Makedonski Brod, Mogillë, Sveti Nikolë, Strumicë, Bosilovë, Novo Sellë, Shuto Orizari dhe Ilinden, njoftoi QMK.
