Me një protestë simbolike që do të zhvillohet sot përpara Ministrisë së Shëndetësisë, pacientët onkologjikë do të kërkojnë zgjidhjen e problemit me mungesën e vazhdueshme të terapive në Klinikën e Onkologjisë.
Të lidhura
None found
Sipas Shoqatës “Hema-Onko”, prej disa muajsh pacientët po përballen me barna që mungojnë ose mbërrijnë me vonesë. Mes tyre përfshihen terapitë biologjike, citostatikët dhe barnat e listës pozitive, ndërsa kjo gjendje u krijon stres dhe pasiguri.
Drejtori i Klinikës së Onkologjisë, Igor Stojkovski, nga ana tjetër, tha se pjesa më e madhe e preparateve ka mbërritur dhe se furnizimi me pjesën tjetër pritet të realizohet brenda kësaj jave. Ai i lidhi vonesat me shtimin e numrit të pacientëve, rritjen e konsumit dhe procesin e furnizimit, duke nënvizuar se trajtimi i pacientëve nuk është rrezikuar.
