Në Maqedoni, deri më 15 shtator, janë evidentuar gjithsej 65 raste të etheve të Nilit Perëndimor. Prej tyre, 60 janë vlerësuar si të konfirmuara, ndërsa pesë si raste të mundshme, bëhet e ditur në raportin më të fundit të Institutit të Shëndetit Publik (ISHP), transmeton “Meta”.
Të lidhura
None found
Të dhënat sipas vendbanimit tregojnë se 60 nga të infektuarit janë nga Shkupi. Dy raste janë shënuar në Veles, ndërsa Kumanova, Sveti Nikolla dhe Kavadari kanë regjistruar nga një rast.
Nga numri i përgjithshëm, 64 raste janë autoktone. Vetëm një person ka pasur histori udhëtimi në Greqi, megjithëse periudha e inkubacionit përfshin edhe kohën e qëndrimit në Maqedoni.
Raporti thekson se 51 të prekur, përkatësisht 78.5%, janë meshkuj, kurse 14 të tjerë, ose 21.5%, janë femra./Telegrafi/
