SPB Tetovë bëri të ditur se dje, më 08.09.2026, rreth orës 09:30, efektivët e Njësisë Policore Kodra e Diellit i kanë hequr lirinë R.S., 55 vjeç, banor i fshatit Gajre.
Të lidhura
None found
Sipas kallëzimit, ngjarja ka ndodhur në zonën e quajtur “Mali Zeska”, poshtë fshatit Gajre. Teksa po largonte barin e thatë dhe shkurret nga prona e tij, 55-vjeçari ka ndezur një zjarr, i cili më pas është përhapur në një hapësirë më të gjerë.
Flakët janë shuar nga ekipi i Njësisë Territoriale të Zjarrfikësve Tetovë dhe punonjësit e Ekonomisë së Pyjeve. Sipas policisë, nuk raportohet për persona të lënduar.
SPB Tetovë njofton se, pas përfundimit të dokumentimit të rastit, ndaj R.S. do të paraqitet kallëzim penal për veprën “shkaktim i rrezikut të përgjithshëm”.
