Ministria e Shëndetësisë njofton se, sipas të dhënave të institucioneve publike shëndetësore në Gostivar, gjatë ditës së djeshme (26.07.2026) ndihmë mjekësore për herë të parë kanë kërkuar gjithsej 127 persona të rinj me simptoma të enterokolitit. Kjo shifër paraqet vetëm një rritje të lehtë në raport me një ditë më parë, ndërsa mbetet më e ulët krahasuar me numrin e pacientëve të rinj të evidentuar ditët e fundit.
Të lidhura
None found
Në Spitalin e Përgjithshëm “Dr. Ferid Murad” në Gostivar janë kryer 91 kontrolle të reja. Prej tyre, 41 janë realizuar në repartin e sëmundjeve infektive dhe 50 në repartin e pediatrisë.
Për trajtim spitalor është pranuar një pacient në repartin e sëmundjeve infektive, ndërsa një tjetër është shtruar në repartin e pediatrisë.
Ndërkohë, shërbimi i gatishmërisë në Qendrën Shëndetësore të Gostivarit ka regjistruar 36 ekzaminime të reja.
