Kontributi financiar i mërgimtarëve në Kërçovë llogaritet të jetë rreth 25 deri në 30 milionë euro çdo vit. Sipas TV Gurra, kjo vlerë është më e lartë edhe se buxheti vjetor i Komunës së Kërçovës, çka e rendit mërgatën ndër mbështetësit kryesorë të ekonomisë së vendit.
Të lidhura
None found
Në muajt e verës, Kërçova përjeton një shtim pothuajse të dyfishtë të numrit të banorëve dhe fiton atmosferën e një zone turistike. Ardhja e mërgimtarëve ndikon drejtpërdrejt në rritjen e konsumit, fuqizimin e bizneseve lokale dhe investimet në banesa e pasuri të paluajtshme, duke nxitur zhvillimin ekonomik të qytetit.
Për shkak të kësaj ndihmese të çmuar dhe të pazëvendësueshme për Kërçovën, mërgata duhet të trajtohet me vëmendje të posaçme, respekt dhe mirënjohje, raporton TV Gurra. /INA/
